پنجاب پولیس اور اخوت فاؤنڈیشن کے درمیان سنٹرل پولیس آفس میں معاہدہ
ایم او یو کامیاب پاکستان پروگرام کے تحت پنجاب پولیس اور اخوت فاؤنڈیشن کے درمیان کیا گیا۔
ایم او یو کے تحت پولیس کے چھوٹے ملازمین کو گھر بنانے کیلئے آسان اقساط پر 15 لاکھ روپے تک قرض مل سکیں گے ۔ آئی جی پنجاب
قرض کی واپسی ملازمین کی تنخواہ میں سے 10 سے 15 سال تک دورانیہ میں ماہانہ اقساط سے کی جائے گی۔ آئی جی پنجاب
پولیس ملازمین بالخصوص کم تنخواہ والے سٹاف کی ویلفیئر میری اولین ترجیح ہے ۔ راؤ سردار علی خان
اس سہولت کا فائدہ 50 ہزار سے کم تنخواہ والے ملازمین کو ہوگا جن کیلئے ذاتی گھر کا حصول انتہائی مشکل ہے۔ آئی جی پنجاب
اس سہولت کی بدولت ذاتی گھر سے محروم پولیس ملازمین ذاتی چھت حل کرسکیں گے۔ آئی جی پنجاب
اخوت فاؤنڈیشن کے چئیرمین ڈاکٹر امجد ثاقب نے پنجاب پولیس کے ساتھ معاہدے کو احسن اقدام قرار دیا۔
اخوت فاؤنڈیشن کا مقصد کم آمدنی والے طبقے کی مدد اور انہیں خود مختار بنانا ہے۔ ڈاکٹر مجد ثاقب چیئرمین اخوت فاؤنڈیشن
پولیس کے کم تنخواہ والے ملازمین اس معاہدہ سے مستفید ہوں گے۔ ڈاکٹر امجد ثاقب
تمام اضلاع کے پولیس ملازمین قرض کے حصول کیلئے سنٹرل پولیس آفس میں ویلفیئر برانچ کو درخواستیں بھجوائیں گے ۔
ڈی آئی جی ویلفیئر درخواستوں کا جائزہ لینے کے بعد انہیں اخوت ہیڈ آفس بھجوائیں گے۔
ایڈیشنل آئی جی ویلفیئر فاروق مظہر اور سی ای او اخوت اسلامک مائیکرو فنانس ڈاکٹر کامران شمس نے ایم او یو پر دستخط کیے۔
آخر میں آئی جی پنجاب راؤ سردار علی خان اور چیئرمین اخوت فاؤنڈیشن ڈاکٹر امجد ثاقب کے درمیان سوویئنیرز کا تبادلہ کیا گیا۔
تقریب میں ایڈیشنل آئی جی اسٹیبلشمنٹ علی عامر ملک، ایڈیشنل آئی جی آپریشنز شہزاد سلطان، ڈی آئی جی ویلفیئر عبدالغفار قیصرانی اور اخوت فاؤنڈیشن کی جانب سے ڈاکٹر کامران شمس نے شرکت کی ۔
ڈی پی آر پنجاب پولیس
Comments